fbpx
Lidhu me ne

Çkemi! Çfarë po kërkoni?

Opinion

Cilët janë heronjtë e shqiptarëve? – nga Elia D. Noli

Në web a në rrjetet sociale, po shihja sot shumë shqiptarë që nderonin figurën e presidentit të Ukrahinës Volodymyr Zelenskyy për qëndrimin që ka mbajtur ndaj luftës që po zhvillohet në vendin e tij.

Shumë e cilësonin si burrë shteti, ca të tjerë si atdhetar, ca si familjar të mirë, e ca akoma si hero të vërtetë. Vendimi i tij për të mbrojtur me çdo mjet vendin nga pushtues e agresorët e huaj është diçka që ka prekur zemrat e shumë njerëzve. Është diçka që meriton të vlerësohet e të përshëndetet.

Por sot është një datë e shënuar edhe për diçka tjetër. Si sot, më 2 mars 1925, në moshën 46 vjeçare është vrarë një prej atdhetarëve me të medhenj shqiptar, një kolos i Rilindjes Kombëtare Shqiptare, një burrë shteti që hodhi themelet e Pavarësisë dhe të Shtetit Shqiptar, Heroi i Popullit Luigj Gurakuqi.

Ky veprimtar i palodhur i çështjes kombëtare, hartues dhe nënshkrues i Deklaratës së Pavarësisë së Shqipërisë, poet, arsimtar, gjuhëtar, diplomat, deputet dhe patriot i madh shqiptar ja kushtoi jetën dhe veprën e tij Shqipërisë. Për këtë ai u vra pabesisht 97 vite më parë.

Por sot fatkeqësisht nuk pash asnjë shqiptar të kujtonte dhe të nderonte këtë figurë të lartë të kombit. Të gjithë flisnin për Zelenskyy-n dhe për bëmat e tij, askush për Heroin tonë të madh Luigj Gurakuqi.

Dhe në këtë vorbull të madhe nderimesh dhe harrimesh, pyes veten: Cilët janë heronjtë e shqiptarëve?

– nga Elia D. Noli

2 Komente

2 Comments

  1. Fjodora

    2 Mars, 2022 at 8:52 pm

    Dha jeten per Shqiperi dhe per shqiptare! Me e pakta eshte nderimi dhe perkujtimi i tij!

  2. Petro

    2 Mars, 2022 at 11:10 pm

    Eshte hipokrizi e madhe te nderosh te huajin dhe mos te nderosh tendin qe ka dhene gjithcka per kete vend!!

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Keshilla per blerjet tuaja
Keshilla per blerjet tuaja

Shkrime të ngjashme

Aktualitet

Rrjeti i ri i ujësjellësit është një investim i shumëpritur prej banorëve të Libohovës. Rrjeti i vjetër 50 vjeçar ishte i degraduar dhe problematikat...

Aktualitet

Gara zgjedhore e 14 majit rezultoi të ishte një betejë e pabarabartë, në të cilën pushteti politik u përpoq me një sërë mënyrash që...

Aktualitet

Nevojat e qytetarëve për shërbime janë të shumta dhe të përditshme. Bashkia është institucioni që duhet të jetë afër qytetarëve dhe tu shërbejë atyre...

Aktualitet

Nga raporti “Qeverisja Vendore në Shqipëri”, hartuar nga Instituti i Bashkive të Shqipërisë, rezulton se Bashkia Libohovë në vitin 2022 e ka rritur totalin...

Personazh

Në një garë vrapimi të distancave të gjata, të zhvilluar në Spanjë në dhjetor 2012, keniani Abel Mutai ishte vetëm disa metra larg vijës...