Hiti muzikor i më i dëgjuar i verës që lamë pas është padyshim kënga “Dale”; e gëzueshme, e freskët, me ritme që të bëjnë të duash të kërcesh e të festosh pambarim.
Në fakt, pambarim është dëgjuar “Dale” gjatë verës 2021: në plazhe, në klube, në smartfonët e secilit prej nesh; me pak fjalë, kudo ku ka pasur festë e dëshirë për të festuar, për të kaluar momente të gëzueshme, sepse është pikërisht ky emocioni që kjo këngë përcjell: hare, pozitivitet dhe adrenalinë.
Kënga vjen si një bashkëpunim i suksesshëm i këngëtarëve Butrint Imeri, Kida dhe Ledri Vula, më muzikë të Çelik Lipa dhe tekst të Butrint Imerit, Ledri Vula dhe Bardhi. E publikuar më 3 korrik 2021, në rreth 3 muaj kjo këngë ka gati 60 milione shikime vetëm në Youtube, pa marrë parasysh platformat e tjera streaming. Duket se ky hit me ritmet e tij të ngrohta do të na shoqërojë gjatë, edhe pas mbarimit të kësaj vere të nxehtë.