fbpx
Lidhu me ne

Çkemi! Çfarë po kërkoni?

Poezi

Lamtumirë vendet e mija – nga Gjergj Fishta

Lamtumirë vendet e mija

Lamtumirë vendet e mija,
Që po m’zhdukeni dalngadalë,
Gjëmon deti, ushton duhija,
Lkundet varka valë mbi valë.

Kah njaj diell që asht tuj flakrue,
Andej fill un tash do t’veta,
Lamtumirë atdhe i bekue,
Lamtumirë për sa t’jetë jeta!

Nesër nadja kur mbi ne,
Rrezja e diellit ka me ra,
Kush e di sa ujë e dhe,
Mue prej teje ka me m’nda?

Po n’i pyetsha retë minore?
Po n’i pyetsha zogjt e detit?
Veç për ty moj tokë arbnore,
Ska me m’fol kush ma mue t’shkretit.

Kam me shkel në t’tjera zalle,
Në t’tjera brigje e t’tjera dete,
Kam me ndije t’tjera gjuhë,
Në t’tjera vende e t’tjera qytete.

Vendin tem ma s’kam me pa…

Ka me prit pra motër zeza,
Me i pru nanës n’shpi ndonjë re,
Po, kushedi, i vllau atëhera,
Ku asht, kah kalbet, për nan dhe.

Para Hyut naltohet lutja,
O ju bjeshkët e shqiptarisë,
Ku ndër ju s’dijmë ç’ka asht tuta!
Veç në ju asht logu i burrnisë!

Lamtumirë ju mriza e stane,
Lamtumirë ju shkurre e mreta,
Lamtumirë ju o armt e t’parve,
Lamtumirë për sa t’jetë jeta.

– Gjergj Fishta

_______________________

Gjergj Fishta (Fishtë, 23 tetor 1871 – Shkodër, 30 dhjetor 1940) ishte At françeskan, arsimtar, shkrimtar, përkthyes, kryetar i komisionit për hartimin e alfabetit shqip në Kongresin e Manastirit (1908), anëtar i delegacionit të shqiptar në Konferencën e Versajës (1919), zëvendëskryetar i legjislativit shqiptar (1921), atdhetar dhe veprimtar i shquar i Rilindjes Kombëtare.

Kliko për të komentuar

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Keshilla per blerjet tuaja
Keshilla per blerjet tuaja

Shkrime të ngjashme

Aktualitet

Rrjeti i ri i ujësjellësit është një investim i shumëpritur prej banorëve të Libohovës. Rrjeti i vjetër 50 vjeçar ishte i degraduar dhe problematikat...

Aktualitet

Gara zgjedhore e 14 majit rezultoi të ishte një betejë e pabarabartë, në të cilën pushteti politik u përpoq me një sërë mënyrash që...

Aktualitet

Nevojat e qytetarëve për shërbime janë të shumta dhe të përditshme. Bashkia është institucioni që duhet të jetë afër qytetarëve dhe tu shërbejë atyre...

Aktualitet

Nga raporti “Qeverisja Vendore në Shqipëri”, hartuar nga Instituti i Bashkive të Shqipërisë, rezulton se Bashkia Libohovë në vitin 2022 e ka rritur totalin...

Personazh

Në një garë vrapimi të distancave të gjata, të zhvilluar në Spanjë në dhjetor 2012, keniani Abel Mutai ishte vetëm disa metra larg vijës...