fbpx
Lidhu me ne

Çkemi! Çfarë po kërkoni?

Opinion

Një bashki për qytetarët, me drejtim e menaxhim dinjitoz, me transparencë e vendimarrje të drejtë – Adil Xhelili

Për bashkëqytetarët e mi!
Që prej datës 4 dhjetor 2022, jam në garë si kandidat për kryetar bashkie i Libohovës, propozuar nga antarësia e Partisë Demokratike, i votuar po nga kjo antarësi dhe simpatizantët me formulën “një antar, një votë”, pra një kandidat i votuar dhe jo i emëruar.

Pavarësisht kësaj, ajo që më ka motivuar më shumë për të sprovuar veten në një garë të ndershme, ka qenë mbështetja e padiskutueshme e Juaja në të paktën 10 vitet e fundit, për të mos thënë në gjithë vitet më të rëndësishme së jetës sime, ku falë profesionit si arsimtar, drejtues e menaxhues, jam përpjekur të bëj më të mirën në dobi të punës dhe misionit tim.

Parimi im ka qenë, të mbaj larg politikën dhe qëndrimet personale ndaj njerëzve të mi dhe kësaj ia kam dalë me këmbëngulje dhe mirëkuptim.
Sot jam para një fakti që kundërshtari im është kushëriri im.

Të dashur miq!
Garën time nuk e kam me të!
Garën time e kam me modelin qeverisës që ofroj, me punën që ofroj dhe me vizionin tim kundër një modeli të deritanishëm hermetik, abuziv dhe shpresëhumbur.

Që në nisje të garës jam i fituar, sepse unë kam ardhur si produkt i juaji, me bindjen time të plotë e të pandikuar, i lirshëm e ne mbështetje masive.

Motivi im:
Të rikthejmë pushtetin vendor në dobi të njerëzve dhe jo në dobi të etjes për pushtet!

Asnjeherë nuk e kam menduar dhe besuar se mund të meritoj diçka në mënyrë të padrejtë, në kurriz të dikujt tjetër, apo i ndikuar nga dikush tjetër.
Familja, besimi, vendlindja për mua janë të shenjta, mbi to nuk ka të tjerë.

Kurani dhe Bibla e mëson njeriun të jetë i duruar, të luftojë të keqen, të nderojë parardhësit e të mos rreshtë për fëmijët.
Historia e Jozefit apo e Judës u kanë dhënë leksione njerëzimit se si të sillen me njeri-tjetrin, por më shumë u kanë mësuar se si të falin.

Sprova ime:
Të fitoj bashkë me JU këtë garë, duke sjellë një bashki për JU, një drejtim e menaxhim dinjitoz, transparencë dhe vendimarrje të drejtë.
Tani prova është në dorën TUAJ!

Adil Xhelili
Ish mësues dhe drejtues arsimi në Qarkun Gjirokastër
Kandidat për Kryetar Bashkie në Bashkinë Libohovë

Kliko për të komentuar

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Keshilla per blerjet tuaja
Keshilla per blerjet tuaja

Shkrime të ngjashme

Aktualitet

Nën vorbullën e mendimeve, të cilat më çuan të rrëmoja pikërisht tek ai sirtar i vjetër që anash ishte ngrënë prej molave të vogla...