fbpx
Lidhu me ne

Çkemi! Çfarë po kërkoni?

Muzike

Olgerta Rustemi, artistja e vogël që ecën në hapat e motrave Libohova

Spektakli “Gjeniu i vogël”, i cili sjell para publikut artistë të vegjël nga e gjithë Shqipëria të shpalosin talentin e tyre ne fushën e muzikës, ka gjithmonë surpriza.

E tillë ishte edhe paraqitja e vogëlushes 11 vjeçare Olgerta Rustemi, e cila mahniti jurinë me performacën e saj. Olgerta, në paraqitjen e saj të parë në “Gjeniu i vogël”, u prezantua me këngën “I have nothing” nga diva botërore e muzikës Whintey Houston.

Performanca e Olgertës, me zërin melodioz dhe të fuqishëm njëkohësisht, si dhe vetë vështirësia e këngës së zgjedhur prej saj, bënë që anëtarët e jurisë të mos i kursejnë komplimentat për të.

Olta Boka i uron Olgertës të eci në hapat e të famshmeve motrat Libohova, ndërsa anëtari tjetër i jurisë Adrian Hila shprehet se “Libohova ka nxjerrë gjithmon burra shteti, dhe kam përshtypjen se edhe Olgerta do shënohet te kjo listë”, duke shprehur kështu komplimentat e tij për performancën e kësaj artisteje te vogël.

Edhe dy anëtarët e tjerë të jurisë, Vikena Kamenica dhe Bojken Lako, shprehin fjalët më të mira për performancën e saj. Vikena shprehet se vetëm artistë te medhenj arrijnë të këndojnë mirë një këngë te Whitney Houston, ndërsa Bojken Lako shprehet se Olgerta u duk si një këngetare e madhe, e vendosur bukur në skenë, dhe për të ajo do të ketë një rrugë shumë te bukur përpara.

Olgerta Rustemi është një vogëlushe 11 vjeçare nga Libohova. Ajo ndjek klasën e gjashtë në shkollën 9-vjeçare “Avni Rustemi”, dhe vjen nga lagjia Marinë, lagjia me emër në qytetin e Libohovës ku ka lindur Heroi i Popullit Avni Rustemi.

Ndiqni performancën e Olgertës në “Gjeniu i vogël”:

2 Komente

2 Comments

  1. Fjodora

    2 Prill, 2022 at 2:54 pm

    Bravo, e ka kenduar shume bukur! Suksese vogelushe!

  2. Petro

    2 Prill, 2022 at 3:14 pm

    I lumte… e talentuar kjo vajze nga vendi i Avniut, me mbiemrin e Avniut!

Leave a Reply

Adresa juaj email s’do të bëhet publike.

Keshilla per blerjet tuaja

Më të lexuarat

Keshilla per blerjet tuaja

Shkrime të ngjashme

Poezi

Varfëria  Ju, të pasur, kur rrini Rreth zjarrit me gëzime, Qeshni, hani e pini, Xbaviti me dëfrime, Kërceni e këndoni Dhe çeli e gëzoni,...