fbpx
Lidhu me ne

Çkemi! Çfarë po kërkoni?

Poezi

Punërat e Perëndisë – nga Andon Z. Çajupi

Punërat e Perëndisë

Zot i math e i vërtetë,
Ç’do pun’ e ke bërë vetë;

Bëre qiejtë dhe denë,
Bëre yjtë dhe dhenë,
Bëre diellin’ me dritë,
Bëre nat’ e bëre ditë,
Bëre erënë dhe retë,
Bëre pemëtë me fletë,

Bëre hënëzën me yje,
Bëre fusha, male, pyje,
Bëre zogjtë, që këndojnë,
Dhe lulet që lulezojnë,

Bëre dimër’ e beharë,
Bëre kuaj e gomarë,
Bëre misër edhe grurë,
Po më shumë bëre gurë.

Si bëre kaqë të mira,
Bëre dhe shumë egërsira:

Bëre arinë dhe derrë,
Bëre… po ç’nukë ke bërë?
Bëre botënë të tërë,
Bëre dhe djallë me brirë!
Çdo pun’ e ke bërë mirë,
Po një gjë bëre pa mënde,
Dhe prishe punën tënde:

Kur bëre derr’ dhe arinë,
Ç’deshe që bëre Turqinë?
Se të mos qenkej kjo farë,
Bota do të vinte mbarë,
Dhe do të lulëzonte,
Shqipëria do t’gëzonte.

– Andon Zako Çajupi

_______________________

Andon Zako Çajupi (Sheper, 27 mars 1866 – Heliopolis, 11 korrik 1930) ishte poet, dramaturg, jurist, atdhetar dhe veprimtar i shquar i Rilindjes Kombëtare.

2 Komente

2 Comments

  1. Fjodora

    14 Janar, 2022 at 3:22 pm

    I beri qe te shohim telenovela nga mengjesi ne darke… te shkretet ne thuaj!!

  2. Petro

    17 Janar, 2022 at 9:18 pm

    Çfarë të themi! Shqiptarët kanë harruar nënat e baballarët dhe kanë filluar të nderojnë turqit!

Leave a Reply

Adresa juaj email s’do të bëhet publike.

Keshilla per blerjet tuaja

Shkrime të ngjashme

Aktualitet

Zbrazja e Shqipërisë nga emigracioni masiv i viteve të fundit, largimi i të rinjve dhe i familjeve, po sjell një dramë të madhe sociale....

Opinion

Një vit i ri shkollor! Suksese gjithë nxënësve dhe mësuesve! Suksese prindërve që shpresojnë tek e ardhmja e fëmijëve të tyre, që besojnë ende...