fbpx
Lidhu me ne

Çkemi! Çfarë po kërkoni?

Poezi

Kur të më jesh e zemëruar – Lasgush Poradeci

Kur të më jesh e zemëruar

Ti m`u rrëfeve për sëpari
Shkrepëtimtare në stoli,
Un` ëndërrova se në zemër
Po më valon një mall i ri.

O, ç’ka që m`u venit qipalla
Me kaq të ngjethur të pafaj?
Haj! shkretëtirë e zemrës s`ime!
Dhe haj! e zeza jetë, haj!

Posi një yll i perënduar
Më pate humbur gjith më larg…
Nga malli yt i thura fjalët
Gjith sërë-sërë e varg-e-varg;

E çdo mendim e pata tretur
Vetëm n`ergjënd e në flori,
O, vashë e lotit të zhuritur
Që vetëtin nër syt` e mi.

Prej largësisë së pa anë
Kalon durimi mot-me-mot…
Pas kaqe kohë dhemshurije,
Ndaj vëndi-i lum as eja sot!

Në gjirin tënd të llaftaruar
M`a lerë mëndjen t`a humbas,
Të ndjej si zemra më gatohet
Plot me dëshir` e plot me gas.

Ti buzëqesh më zilitare,
E më çkëlqe si vetëtim,
E më vështro me sy pëllumbi
Drejt mu në fund të shpirtit tim;

Se gazi i kthjellt` i lumtërisë,
Që çel si lulja në mëngjes,
Si lule-e pastër do më mbijë
Në krahruar mun në mes.

Kur të më jesh e zemëruar,
Me shpirt të vrarë-e varfnjak,
N`e mbajç në zemër zembëratën,
Prej helmit t`ënd s`do heq aspak;

S`do psherëti n`e lënç të vdesë,
A në m`a thënç, në mos m`a thënç:
Mjafton një mvrejtje-e buzës s`ate,
Që të më bësh të prishem mënç.

– Lasgush Poradeci

________________________

Lasgush Poradeci (Llazar Sotir Gusho) – (Pogradec, 27 dhjetor 1899 – Tiranë, 12 nëntor 1987) ishte poet, përkthyes dhe shkrimtar, pionier i Romanticizmit dhe Realizmit letrar shqiptar.

4 Komente

4 Comments

  1. Fjodora

    11 Shkurt, 2022 at 8:13 pm

    Oh, sa ndjenje e shprehur brenda ketyre vargjeve… Kryeveper!

    • Frenki

      12 Shkurt, 2022 at 5:49 pm

      Nje kryevepër falemiderit qe e ndave me ne kushdo qofshin bekime dhe respekte
      Sidomos kjo ben per ditën e te dashuruarve pasi Lasgush Pogradeci njihet ndryshe si poeti i dashurise

  2. Niku

    15 Shkurt, 2022 at 7:46 pm

    Shume te bukura keto vargje

  3. Petro

    18 Shkurt, 2022 at 6:22 pm

    Sa bukur e ka thene: Mjafton nje mvrejtje e buzes sate qe te me besh te prishem menc!

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Keshilla per blerjet tuaja
Keshilla per blerjet tuaja

Shkrime të ngjashme

Aktualitet

Rrjeti i ri i ujësjellësit është një investim i shumëpritur prej banorëve të Libohovës. Rrjeti i vjetër 50 vjeçar ishte i degraduar dhe problematikat...

Aktualitet

Gara zgjedhore e 14 majit rezultoi të ishte një betejë e pabarabartë, në të cilën pushteti politik u përpoq me një sërë mënyrash që...

Aktualitet

Nevojat e qytetarëve për shërbime janë të shumta dhe të përditshme. Bashkia është institucioni që duhet të jetë afër qytetarëve dhe tu shërbejë atyre...

Aktualitet

Nga raporti “Qeverisja Vendore në Shqipëri”, hartuar nga Instituti i Bashkive të Shqipërisë, rezulton se Bashkia Libohovë në vitin 2022 e ka rritur totalin...

Personazh

Në një garë vrapimi të distancave të gjata, të zhvilluar në Spanjë në dhjetor 2012, keniani Abel Mutai ishte vetëm disa metra larg vijës...