fbpx
Lidhu me ne

Çkemi! Çfarë po kërkoni?

Poezi

Syrgjyn-Vdekur – nga Fan S. Noli

Syrgjyn-Vdekur

Nëno moj, mbaj zi për vllanë,
Me tre plumba na i ranë,
Na e vran e na e shanë,
Na i thanë tradhëtor.

Se të deshte dhe s’të deshnin,
Se të qante kur të qeshnin,
Se të veshte kur të ç’veshnin,
Nëno moj, të ra dëshmor.

Nëno moj, vajto, merr malin,
Larot t’a përmbysnë djalin,
Qe me Ismail Qemalin,
Ngriti flamurin trimëror.

Nëno moj, m’a qaj në Vlorë,
Ku të dha liri, kurorë,
Shpirt i bardhë si dëbor,
Ti s’i dhe as varr për horr.

Nëno moj, ç’është përpjekur,
Gojë-mjalt e zemër-hekur,
Syrgjyn gjall e syrgjyn vdekur,
Ky vigan liberator.

– Fan S. Noli

_______________________

Fan S. Noli (İbriktepe, 6 janar 1882 – USA, 13 mars 1965) ishte shkrimtar, mësues, diplomat, politikan, historian, orator, themelues i Kishës Ortodokse Autoqefale Shqiptare, Kryeministër i 13-të i Shqipërisë (1924), atdhetar dhe veprimtar i shquar i Rilindjes Kombëtare.

 

2 Komente

2 Comments

  1. Petro

    17 Janar, 2022 at 9:20 pm

    Lavdi Luigj Gurakuqit!!

  2. Fjodora

    18 Janar, 2022 at 4:18 pm

    Poezi shume e bukur

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Keshilla per blerjet tuaja

Më të lexuarat

Keshilla per blerjet tuaja

Shkrime të ngjashme